തെന്നിന്ത്യന്‍ സിനിമാപ്രേമികളുടെ സ്വപ്‌നറാണിയാണ് അനുഷ്‌ക ഷെട്ടി. അനുഷ്‌കയെ വിവാഹം കഴിപ്പിക്കാനായി ഏറെനാളായി പ്രേക്ഷകര്‍ ശ്രമിക്കുന്നുണ്ടെങ്കിലും പിടികൊടുക്കാതെ നടക്കുകയാണ് താരം. നടന്‍ പ്രഭാസും അനുഷ്‌കയുമായുള്ള വിവാഹം നടത്താന്‍ പ്രേക്ഷകര്‍ കിണഞ്ഞു ശ്രമിച്ചെങ്കിലും ഒന്നും നടന്നില്ല.
എന്നാല്‍ ഇപ്പോള്‍ വീണ്ടും വിവാഹവാര്‍ത്തകളിലൂടെ ഗോസിപ്പ് കോളങ്ങളില്‍ ഇടം പിടിച്ചിരിക്കുകയാണ് താരം. പ്രമുഖ ക്രിക്കറ്റ് കളിക്കാരനെ താരം വിവാഹം കഴിക്കുമെന്നായിരുന്നു ആദ്യം വാര്‍ത്ത വന്നത്. പിന്നീട് വിവാഹ മോചിതനായ നടനാണ് വരനെന്ന തരത്തിലായി വാര്‍ത്ത.
എന്നാല്‍ ഇപ്പോള്‍ തെലുങ്ക് സംവിധായകന്‍ കെ രാഘവേന്ദ്ര റാവുവിന്റെ മകന്‍ പ്രകാശുമായി അനുഷ്‌ക യുടെ വിവാഹം ഉണ്ടാകുമെന്നാണ് വാര്‍ത്തകള്‍ പ്രചരിക്കുന്നത്. 2017ല്‍ കനികാ ധില്ലനില്‍ നിന്ന് പ്രകാശ് വിവാഹമോചനം നേടിയിരുന്നു. അനുഷ്‌കയും പ്രകാശും തമ്മില്‍ രഹസ്യ സൗഹൃദത്തിലാണെന്ന തരത്തിലാണ് ഇപ്പോള്‍ ഗോസിപ്പുകള്‍ പ്രചരിക്കുന്നത്.
